त्रिशूली थ्री–‘ए’को सुरुङ फेला, अब उद्धार विज्ञ भित्र पठाइने(भिडियो)

काठमाडौँ । त्रिशूली थ्री–‘ए’ आयोजनाको सुरुङमा फसेका कर्मचारीहरूको उद्धारका लागि परिचालित टोलीले सुरुङ फेला पारेको छ । आइतबार अपरान्ह उद्धार टोलीले सुरुङ फेला पारेको रास्वपा सासंद श्रीराम न्यौपानेले जानकारी दिएका छन् ।

यो सुरुङबाट अब उद्धार विज्ञलाई भित्र पठाएर अवस्थाबारे जानकारी लिने तयारी भएको उनले बताए । यसअघि उद्धार टोलीले भित्र हावा पठाउन पाँचवटा प्वाल बनाएको थियो । हालसम्म ड्रिल गर्ने र भित्रको अवस्था बुझ्ने प्रयास गरिरहेको न्यौपानेले बताए ।

उद्धार टोलीले शनिबारदेखि त्यहाँ काम थालेको थियो । आयोजना क्षेत्रमा फसेका मानिसहरूको उद्धारका लागि नेपाली सेनाले स्काभेटर र डोजर हेलिकप्टरबाट लगेको थियो । गएराति भीषण बाढी आएको भए पनि उद्धार प्रयास निरन्तर जारी छ । अब फसेका मानिसहरूको खोजी तथा उद्धार कार्य सुरु हुनेछ।