जाजरकोटमा जिप दुर्घटना हुँदा मध्यपहाडी लोकमार्गमा कार्यरत दुई मजदूरको मृत्यु
कर्णाली । जाजरकोटमा जिप दुर्घटना हुँदा दुई जनाको मृत्यु भएको । कार्कीगाउँबाट जतिपुरतर्फ जाँदै गइरहेको प्रदेश ३–०१–०२३ च ४७११ नम्बरको जिप गएराति सडकबाट ७ सय मिटर तल खसेर दुर्घटना भएको हो ।
दुर्घटनामा मध्यपहाडी लोकमार्गमा कार्यरत कैलालीका २४ वर्षीय मनोज केसी र जुम्लाका २२ वर्षीय मिथुन हमालको मृत्यृु भएको जाजरकोटका प्रहरी प्रमुख पुरुषोत्तम प्रसाद पाण्डेले जानकारी दिए ।
उनकाअनुसार भेरी नगरपालिका–१० नुवागाउँ नजिकै जिप दुर्घटना भएको हो । दुर्घटनामा लोकमार्गकै मजदुर २२ वर्षका कमल चौधरी घाइते भएको र उनको जिल्ला अस्पताल जाजरकोटमा उपचार भइरहेको छ ।
