दावा छिरिङसँगको कुराकानी बाहिरिएपछि अध्यागमनका महानिर्देशक मन्त्रालय तानिए
काठमाडौं । अध्यागमन विभागका महानिर्देशक झलकराम अधिकारी मन्त्रालय तानिएका छन् । बिहीबार गृह मन्त्रालयले महानिर्देशक अधिकारीलाई मन्त्रालयमा तानेको हो ।
सुन तस्करीमा संलग्न भनिएका चिनियाँ नागरिक दावा छिरिङसँग महानिर्देशक अधिकारीको वी–च्याटमा भएको संवाद बाहिरिएपछि मन्त्रालयले उनलाई तानेको हो । अधिकारी २०७९ फागनु १६ मा अध्यागमन विभागको महानिर्देशक बनेका थिए ।
