थप ६१३ जनामा कोरोना संक्रमण, ७३९ जना संक्रमणमुक्त
काठमाडौं । नेपालमा थप ६१३ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालामा गरिएको परीक्षणमा थप ६१३ जनामा संक्रमण पुष्टि भएको हो । योसँगै नेपालमा कोरोना संक्रमतिको संख्या २५६५९२ पुगेको छ । त्यसैगरी बिहीबार थप ७३९ जना कोरोना संक्रमणमुक्त भएका छन् ।
योसँगै कोरोना संक्रमणमुक्त हुनेको संख्या २४७४०० पुगेको मन्त्रालयले जनाएको छ । त्यसैगरी पछिल्लो २४ घण्टामा कोरोना संक्रमणबाट थप ५ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या १८०८ पुगेको छ । क्वारेन्टाइनमा ४०० जना छन् भने आइसोलेसनमा ७३८४ जना रहेका मन्त्रालयले जनाएको छ ।