कोरोना संक्रमणबाट चिकित्सकको मृत्यु

काठमाडौं । कोरोना भाइरसको संक्रमणबाट कर्णाली प्रादेशिक अस्पताल सुर्खेतका चिकित्सकको मृत्यु भएको छ । कोरोना संक्रमणबाट अस्पतालका प्रमुख कन्सल्टेन्ट अर्थोपेडिक्स सर्जन डा हरीप्रसाद सापकोटा मृत्यु भएको भेरी अस्पताल नेपालगंजले जनाएको छ । भदौ २९ गते संक्रमण पुष्टि भएका उनलाई श्वास फेर्न गाह्रो भएपछि नेपालगञ्जको भेरी अस्पतालमा असोज १ गते भर्ना गरिएको थियो ।

प्लाज्मा थेरापी विधिका साथै रेम्डेसिभरको समेत प्रयोग गरेर उनको उपचार गरिएको भएपनि बिहीबार एक्कासी स्वास्थ्यमा समस्या देखिएपछि बिहान ९ बजे उनलाई भेन्टिलेटरमा राखेर उपचार थालिएको थियो । भेन्टिलेटरमा राखेर उपचार गरिरहेकै समयमा बिहीबार दिउँसो ३ः१० बजे उनको मृत्यु भएको अस्पतालले जनाएको छ ।