पहिरोको उच्च जोमिखमा रहेका वस्तीको स्थानान्तरण र पुनस्र्थापनाका लागि कार्यविधि बनाइने

काठमाडौं । विपद् व्यवस्थापन परिषद्ले पहिरोको उच्च जोमिखमा रहेका वस्तीहरुको स्थानान्तरण र पुनस्र्थापना लागि कार्यविधि बनाउने भएको छ । बिहीबार बालुवाटारमा प्रधानमन्त्री केपी ओलीको अध्यक्षतामा बसेको परिषद् बैठकले उच्च जोखिममा रहेका बस्तीहरुको स्थानान्तरण र पुनर्निर्माणका लागि १० दिनभित्र कार्यविधि तयार गर्ने निर्णय गरेको हो ।

मनसुन सुरु भएको १०० दिन पुरा हुँदा प्राकृतिक प्रकोपको क्षति बढेकाले जोखिम न्युनिकरण गर्नका लागी कार्यबिधि बनाउने निर्णय गरिएको राष्ट्रिय विपत् जोखिम न्यूनीकरण तथा व्यवस्थापन प्राधिकरणका कार्यकारी प्रमुख अनिल पोखरेलले जानकारी दिए । उनले जोमिखमा रहेका वस्तीहरुको आवश्यकता अनुसार स्थानान्तरण अथवा पुनस्र्थापना गरिने जानकारी दिए । त्यस्तै प्राकृतिक प्रकोपमा परि असहज जीवन व्यतित गरेकाहरुको उचित व्यवस्थापन गर्न पनि रणनीति तय गरिने उनले बताए ।