नेपाल प्रहरीका भूतपूर्व एसएसपी श्रेष्ठको निधन

काठमाडौं । नेपाल प्रहरीका भूतपूर्व एसएसपी डा. चुडाबहादुर श्रेष्ठको निधन भएको छ । लामो समयदेखि मृगौलासम्बन्धी बिरामी रहेका डा. श्रेष्ठको नेपाल प्रहरी अस्पतालमा गएराती निधन भएको हो ।

मिर्गौला प्रत्यारोपण गरिएका डा. श्रेष्ठ लामोसमयदेखि डायलासिस गराइरहेका थिए । लामो समयसम्म नेपाल प्रहरीमा रहेर काम गरिसकेका डा. श्रेष्ठ पछिल्ला दिनहरुमा द्वन्द्व र विकासलगायतका क्षेत्रमा काम गरिरहेका थिए ।

श्रेष्ठले नेपालमा माओवादी द्वन्द्वको सैन्य, सामाजिक आर्थिक पाटोलाई केलाइएको Nepal- Coping with Maoist insurgency, conflict analysis and resolution पुस्तक समेत लेखेका छन् ।