दर्शनशास्त्र मानव जीवनको लागि अपरिहार्यः डा. श्रीधरण
काठमाडौं । त्रिचन्द्र बहुमुखी क्याम्पसको मनोविज्ञान तथा दर्शनशास्त्रको आयोजना र समग्र प्रज्ञाआदि संस्थाको सहआयोजनामा एकदिने “दैनिक जीवनमा दर्शनशास्त्रको महत्व” विषयमा प्रवचन कार्यक्रम सम्पन्न भएको छ ।
प्रवचनमा भारतको वरोदा विश्वविद्यालयमा दर्शनशास्त्रका प्राध्यापक सुप्रसिद्ध दार्शनिक प्रा.डा. गिरिशकुमार श्रीधरण प्रमुख वक्ताको रुपमा रहनु भएको थियो । त्यसक्रममा उहाँले दर्शनशास्त्र मानव जीवनको लागि अपरिहार्य रहेको भन्दै सही अर्थमा मानव जीवनको अर्थ बुझ्न र सार्थक बनाउनका लागि मानिसहरुलाई उत्साहित बनाउने कुरालाई प्रष्ट पार्नुभयो ।
कार्यक्रमको संचालन दर्शनशास्त्रका प्राध्यापक डा. गोविन्दशरण उपाध्यायले गर्नुभएको थियो भने कार्यक्रमको स्वागत मन्तव्य दर्शनशास्त्री रवि गुरागाईँले दिनु भएको थियो । कार्यक्रममा देशविदेशका ७० जना भन्दा बढीको सहभागितामा प्रश्नोत्तर समेत भएको थियो ।
