उपत्यकामा करिव २ हजार ७४६ जना संक्रमित, ९ हजार ८२० जनाको कन्ट्याक्ट ट्रेसिङ



काठमाडौं । काठमाडौं उपत्यकाभित्र भदौ ६ गतेसम्ममा २ हजार ७४६ जना कोरोना भाइरसबाट संक्रमित भए । जसमध्ये काठमाडौं जिल्लामा २ हजार १८७ जना, ललितपुर जिल्लामा ३०८ जना र भक्तपुर जिल्लामा २५१ जनामा संक्रमण देखिएको छ । यसरी संक्रमण देखिएकामध्ये ३०.७ प्रतिशत व्यक्तिहरुले यात्रा गरेका थिए भने ५१.४ प्रतिशतले यात्रा गरेका थिएनन् । १७.८ प्रतिशत बिरामीले यात्रा गरेका थिए कि थिएनन् भन्ने एकिन छैन ।

संक्रमितमध्ये काठमाडौं जिल्लामा ७ हजार ४१२ जना, ललितपुरमा १ हजार २५३ जना र भक्तपुरमा ६५५ गरी ९ हजार ८२० जनाको कन्ट्याक्ट ट्रेसिङ  गरिएको छ । भदौ ६ गतेसम्मको यो तथ्याङ्कअनुसार सबैभन्दा धेरै काठमाडौं महानगरपालिकामा १ हजार ६०६ जना र दोश्रोमा ललितपुर महानगरमा १८५ सक्रिय केस छन् । मध्यपुर थिमीमा १०५, चन्द्रागिरीमा ६२, सूर्यबिनायकमा ७३, कीर्तिपुरमा २६, बुढानिलकण्ठमा १२५, शंखरापुरमा १७, गोदावरीमा ३९, गोकर्णेश्वरमा ४२ जना सक्रिय केस छन् ।

बैठकमा जानकारी दिँदै महालक्ष्मीमा ८४, कागेश्वरी मनोहरामा ९६, दक्षिणकाली १०, नागार्जुनमा ४०, तारकेश्वरमा ५४, टोखामा १०९, चाँगुनारायणमा २२ स्थानीय र २० जना सुरक्षाकर्मी, भक्तपुरमा ३१ जना भाइरसबाट संक्रमण बिरामी छन् । यीमध्ये कति बिरामी निको भएर फर्किए भन्ने तथ्याङ्क अद्यावधिक हुन बाँकी छ ।

अहिलेसम्म प्राप्त बिरामीले प्रत्यक्ष र अप्रत्यक्ष रुपमा भेटेका उपत्यकाका करीब २८ हजार ५ सय व्यक्तिलाई पीसीआर परीक्षण गर्ने उपत्यका नगरपालिका फोरमले निर्णय गरेको छ ।

संक्रमित बिरामी, शंकास्पद र सम्भावित व्यक्तिहरुको पहिचान, बिरामीको सम्पर्कमा आएकाको पहिचान, अवस्थाका बारेमा परामर्श गर्नु, संक्रमित र समुदायको सम्बन्ध टुटाउनु नै महामारी नियन्त्रणको एक मात्र बिधि भएकोले कन्ट्याक्ट ट्रेसिङबाट  उपलब्धी हासील गर्न सकिनेमा स्थानीय तह आशावादी देखिन्छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
पेट्रोलियम पदार्थको मूल्य घटेसँगै अन्य वस्तु र सेवामा पनि मूल्य घट्नु आवश्यक छ : उद्योमन्त्री बडू

काठमाडौं । उद्योग, वाणिज्य तथा आपूर्ति मन्त्री दिलेन्द्रप्रसाद बडूले विभिन्न वस्तु तथा सेवामा

राजस्व हिनामिना गरेको आरोपमा रौतहटका एक मेयरसहित २१ जनाविरुद्ध भ्रष्टाचार मुद्दा दायर

काठमाडौँ । अख्तियार दुरुपयोग अनुसन्धान आयोगले रौतहटको फतुवा विजयपुर नगरपालिकाका मेयरसहित २१ जनाविरुद्ध

गणपूरक सङ्ख्या नपुगेपछि प्रतिनिधिसभा बैठक स्थगित

काठमाडौं । विधेयकमाथि विचार गरियोस् भन्ने प्रस्ताव निर्णयार्थ पेश गर्न गणपूरक सङ्ख्या नपुगेकाले

पर्यटनमन्त्री आलेद्वारा पदबाट राजीनामा

काठमाडौँ । पर्यटन, संस्कृति तथा नागरिक उड्डयनमन्त्री प्रेम आलेले पार्टी अध्यक्ष माधवकुमार नेपाललाई