वीरगंजमा उपचाररत एक कोरोना संक्रमित महिलाको मृत्यु

वीरगंज । गत साउन २४ गतेदेखि वीरगन्ज हेल्थ केयर अस्थायी कोरोना अस्पतालमा उपचाररत एक कोरोना संक्रमित महिलाको मृत्यु भएको छ । वीरगंज महानगरपालिका वडा नम्बर –११ श्रीपुरकी ५६ वर्षीया महिलाको शनिबार राति मृत्यु भएको जिल्ला प्रशासन कार्यालय पर्साले जनाएको छ ।

ती महिलाको साउन २२ गते स्वाब संकलन गरी परीक्षण गर्दा साउन २४ गते कोरोना संक्रमण पुष्टि भएको थियो । ज्वरो, खोकी, थाइरोइड, श्वासप्रश्वासको समस्या रहेको ती महिलामा कोरोना पाजिटिभ देखिएपछि कोरोना अस्पतालको आईसीयूमा भर्ना गरेर उपचार थालिएको थियो । स्वास्थ्य अवस्था झन् बिग्रिएपछि उनलाई भेन्टिलेटरमा राखिएको थियो । तर उपचारका क्रममा उनको शनिबार मृत्यु भएको हो ।