उपत्यका प्रवेश गर्ने नाकाहरुमा कडाई गर्न नगरपालिका फोरमको आग्रह



काठमाडौं । उपत्यका नगरपालिका मेयर फोरमले उपत्यका प्रवेश गर्ने नाकाहरुमा कडाई गर्न सरकारलाई आग्रह गरेको छ । काठमाडौं उपत्यकामा कोरोना संक्रमणको दर बढिरहेकाले फोरमले नाकामा कडाई गर्न सरकारलाई आग्रह गरेको हो ।

कोभिड—१९ क्राइसिस म्यानेजमेन्ट सेन्टर (सीसीएमसी) का संयोजक समेत रहेका उपप्रधान तथा रक्षामन्त्री ईश्वर पोखरेललाई भेटेर फोरमले नाकामा कडाई गर्न, अनाधिकृत रुपमा प्रवेश गर्ने र गराउनेलाई कारवाही गर्न आग्रह गरेको हो ।

फोरमका अध्यक्षसमेत रहेका काठमाडौं महानगरपालिकाका मेयर विद्यासुन्दर शाक्यले लकडाउन खुकुलो भएपछि संक्रमितको संख्या बढिरहेको उल्लेख गर्दै अहिले मानिसहरु बढी भित्रिएकोले विगतमा जस्तै नाकाहरुमा कडाई गर्नुपर्ने बताए ।

मध्यपुर ठिमी नगरपालिकाका मेयर मदनसुन्दर श्रेष्ठले तेस्रो मुलुकबाट आउनेहरुका लागि संघीय सरकारलाई एकीकृत क्वारेन्टिनको व्यवस्थापन गर्न, समुदायस्तरमा कोरोना फैलिएकोले जात्रा पर्वहरु स्थगित गरिएजस्तै सरकारको पक्ष वा विपक्षमा हुने जुलुस, अनसन जस्ता कुराहरु प्रतिबन्ध लगाउन माग गरेका छन् ।

त्यस्तै फोरमले सार्वजनिक यातायात निषेध गरी निजि सवारी साधनमा जोर विजोर प्रणाली लागू गर्न पनि सरकारसँग माग गरेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
थप १०२४ जनालाई कोरोना संक्रमण, २२०६ जना संक्रमणमुक्त

काठमाडौं । नेपालमा थप १०२४ जनालाई कोरोना संक्रमण पुष्टि भएको छ । स्वास्थ्य

राजतन्त्र पुनस्र्थापनाको माग गर्दै काठमाडौंमा राजावादीहरुको प्रदर्शन

काठमाडौं । राजतन्त्र पुनस्र्थापनाको माग गर्दै राजावादीहरुले शनिबार काठमाडौंमा बृहत प्रदर्शन गरेका छन्

गण्डकी प्रदेशमा कोरोना संक्रमणबाट थप तीन जनाको मृत्यु

काठमाडौं । कोरोना संक्रमणबाट कास्कीमा थप तीन जनाको मृत्यु भएको छ । कोरोना

प्रधानमन्त्रीको उपस्थितिमा बालुवाटारमा नेकपाको सचिवालय बैठक

काठमाडौं । सत्तारुढ नेकपाको सचिवालय बैठक सुरु भएको छ । प्रधानमन्त्री निवास बालुवाटारमा