आफ्नै पार्टीका नेताहरुप्रति प्रधानमन्त्री असन्तुष्टः ‘यत्रो संकट छ ४ सय ५० जनाको केन्द्रीय कमिटी तुरुन्त चाहियो भन्नुहुन्छ’



काठमाडौं । प्रधानमन्त्री केपी शर्मा ओलीले संकटलाई विरोध गर्ने अवसरका रूपमा नलिन आग्रह गरेका छन् । मंगलबार प्रधानमन्त्री निवास बालुवाटारमा विज्ञ र विभिन्न राजनीतिक दलका नेताहरूसँगको परामर्शमा प्रधानमन्त्री ओलीले संकटलाई विरोध गर्ने माध्यम बनाएको भन्दै संकटलाई विरोध गर्ने अवसरका रूपमा नलिन आग्रह गरेका हुन् ।

कहिले लकडाउन किन गरेको भनेर विरोध गरेको र कहिले लकडाउन किन खोलेको भनेर सरकारप्रति विरोध भएको उनको गुनासो थियो । प्रधानमन्त्री ओलीले सङ्कटको बेलामा गैरजिम्मेवार ढङ्गले प्रस्तुत भएको भन्दै आफ्नै पार्टीका नेताहरुको कार्यशैलीप्रति असन्तुष्टि पनि जनाए । प्रधानमन्त्री ओलीले सरकारले २५ जनाभन्दा बढी भेला नहुन भनेको भएपनि नेकपाभित्रै चार सय ५० को केन्द्रीय कमिटी तुरुन्त चाहियो भनेर आवाज उठाएको बताए । उनले देश र जनताप्रतिको गम्भीर उदासिनता, लापरवाही, बेवास्ता गर्ने प्रवृत्ति र आफ्ना स्वार्थका पछाडि कुद्ने प्रवृत्ति निकै व्यापकरुपमा देखिएको तर्क गरे । अहिले संकटका बेला सबै एक हुनुपर्ने उनको भनाई छ ।

छलफलमा सभापति शेरबहादुर देउवाले संक्रमण हेरेर लकडाउनबारे निर्णय गर्न प्रधामन्त्रीलाई सुझाव दिएको बताए । हरेकलाई सामाजिक दूरी कायम गर्न र मास्क अनिवार्य गर्न कडाई गर्नुपर्ने उनको सुझाव छ । देउवाले समुदायमा संक्रमण फैलिएको नफैलिएकोबारे पत्ता लगाएर निर्णय गर्न सल्लाह दिएका थिए ।

प्रधानमन्त्री ओलीले कोभिड १९ को संक्रमण बढ्दै गएपछि यसको नियन्त्रणबारे विज्ञहरुसँग छलफल गरेका हुन् । प्रतिदिन १८ हजार सम्मको परीक्षण गर्न सकिने गरि ल्याबको स्थापना गरिएकोबारे प्रधानमन्त्रीको सचिवालयले विज्ञहरुलाई जानकारी गराएको थियो । प्रधानमन्त्री कार्यालयका सचिव महेन्द्र गुरागाईंले हालसम्म ४ लाखको पीसीआर परीक्षण गरिएको जानकारी गराएका थिए ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
सरकारले स्टार्टअप उद्यम गर्नेहरूका लागि १० वर्ष आयकर छुट दिने

काठमाडौँ । सरकारले स्टार्टअप उद्यम गर्नेहरूका लागि विभिन्न छुट तथा सुविधा उपलब्ध गराउने

खोकनामा चोरीमा संलग्न रहेको अभियोगमा ६ जना पक्राउ

काठमाडौँ । काठमाडौँ उपत्यका अपराध अनुसन्धान कार्यालयको टोलीले ललितपुर महानगरपालिका–२१ खोकनामा भएको चोरी

सहकारी ठगी छानबिन गर्न संसदीय समिति गठन गर्ने चार दलबीच सहमति

काठमाडौँ । सत्तारुढ गठबन्धन र प्रमुख प्रतिपक्षी दल संसदको गतिरोध अन्त्य गर्न संसदीय

फोर्ब्सद्वारा प्रकाशित सु ब्रिजम्यानको ‘द सीक्यू एज’ नेपालमा सार्वजनिक

काठमाडौं । सु ब्रिजम्यानद्वारा लिखित ‘द सीक्यू एज’ पुस्तक सार्वजनिक गरिएको छ। काठमाडौंमा