पहिरोमा परी सिन्धुपाल्चोकको मेलम्ची बजारका आठ जना बेपत्ता
मेलम्ची । आइतबार राति गएको पहिराले मेलम्ची बजारका आठ जना बेपत्ता भएका छन् । अबिरल बर्षाका कारण मेलम्ची नगरपालिका ११ स्थित मेलम्ची बजारमा पहिरो गएको हो । १ जनाको जिवितै उद्धार गरिएको छ । जिल्लाकै बरुवामा पनि २ जना बेपत्ता भएको स्थानियले जानकारी दिएका छन् ।
पहिरोको कारण मेलम्ची बजारमा निर्माण हुदै गरेको कभर्ड हलमा काम गर्ने मजदुर बेपत्ता भएका इलाका प्रहरी कार्यालय मेलम्चीले जनाएको छ । बेपत्ताहरुको उद्धारकार्य जारी रहेको छ । नेपाली सेना, प्रहरी, सशस्त्र प्रहरी, स्थानीयले बेपत्ताको खोजी कार्य गरिरहेका छन् ।
त्यस्तै बाह्बिसे नगरपालिका २ कर्थलीमा पनि भीषण पहिरो गएको छ । घट्टेखोलाको छयाप्लुङभीरमा पहिरो आउँदा ५ घर पूर्णरुपमा क्षति भएका छ । पहिरोले २० घर उच्च जोखिममा परेका छन् ।
![](https://scontent.fktm4-1.fna.fbcdn.net/v/t1.0-0/s600x600/116132506_10223360261857093_459866941933080263_n.jpg?_nc_cat=101&_nc_sid=730e14&_nc_ohc=m81e9tCr_xkAX9Tb5q0&_nc_ht=scontent.fktm4-1.fna&_nc_tp=7&oh=e093f3e7ca55635ed808e7c88a4de687&oe=5F4C7555)
![](https://scontent.fktm4-1.fna.fbcdn.net/v/t1.0-0/s600x600/116317110_10223360260657063_1063650768969633004_n.jpg?_nc_cat=101&_nc_sid=730e14&_nc_ohc=av6oz9HjvzcAX-yD83K&_nc_ht=scontent.fktm4-1.fna&_nc_tp=7&oh=f3047ce4af09cd4d6f12ab45323c08cd&oe=5F4B1438)