पूर्वरथी कूलबहादुर खड्काको निधन
काठमाडौँ । नेपाली सेनाका पूर्वरथी कूलबहादुर खड्काको निधन भएको छ । उपचारका क्रममा मंगलबार नर्भिक अस्पतालमा ६९ वर्षीय खड्काको निधन भएको पारिवारले जनाएको छ । उनको केही साताअघि स्टोनको शल्यक्रिया गरिएको थियो । मंगलबार अपरान्ह ४ बजे उनलाई चिकित्सकहरुले मृत घोषणा गरेका थिए ।
खड्कालाई तत्कालीन प्रधानमन्त्री पुष्पकमल दाहालले प्रधानसेनापतीमा नियुक्त गरे पनि त्यसबेलाका राष्ट्रपति रामवरण यादवले अस्वीकृत गरिदिएका थिए । त्यही प्रकरणमा दाहालले प्रधानमन्त्री पदबाट राजीनामा दिएका थिए ।