सम्झौता कार्यान्वयनको माग गर्दै पुल्चोकमा ‘इनफ इज इनफ’ को धर्ना
काठमाडौं । यसअघि सरकारले आफूहरुसँग गरेको सम्झौता कार्यान्वयनमा ढिलाई गरेको भन्दै ‘इनफ इज इनफ’ समूहले बिहीबार प्रदर्शन गरेका छन् । ‘इनफ इज इनफ’ अभियन्ताको समूह र सरकारबीच १२ बुँदे सहमति भएपनि एक साता बितिसक्दा पनि सरकारले कार्यान्वयन नगरेको भन्दै युवाहरुले बिहीबार ललितपुरको पुल्चोकस्थित मन्त्रीक्वार्टर अगाडी प्रदर्शन गरेका हुन् ।
विभिन्न माग राखेर ‘इनफ इज इनफ’ अभियन्ता इशान अधिकारी (इ) सहितका युवाहरू अनशन समेत बसेका थिए । सरकारसँग १२ बुँदे समझदारी भएपछि उनीहरूले अघिल्लो मंगलबार अनशन तोडेका थिए ।
स्वतस्फूर्त रुपमा सडकमा निस्केका युवाहरुले कोरोना परीक्षणका लागि पिसिआर परीक्षण बढाउनुपर्ने माग गर्दै आएका छन् । सरकारले आफुहरुसंग गरेको सहमति कायानर््वयन नगरे पुनः कडा आन्दोलन गर्ने चेतावनी उनीहरुले दिएका छन् ।
