बाढी आउन सक्ने भएकाले तटीय क्षेत्रका बासिन्दालाई सतर्क रहन आग्रह
काठमाडौं । कोशी, कमला, वागमती नारायणी र कन्काई नदीमा बाढी आउन सक्ने भन्दै सरकारले सतर्कता अपनाउन आग्रह गरेको छ । नेपाल बाढी सूचना केन्द्रले सूचना जारी गर्दै यी नदी आसपासका बासिन्दालाई सतर्कता अपनाउन आग्रह गरेको हो ।
प्रदेश १ र २ को चुरे र तराईबाट बहने साना नदीमा आकस्मिक बाढी आउने उच्च संभावना रहेको केन्द्रले जनाएको छ । त्यसैगरी केन्द्रले भारतीय सीमा आसपास होचा स्थानमा पनि सतर्क रहन आग्रह गरेको छ ।