‘मदन भण्डारीको नेकपामा–पहिलो जनता, आजको नेकपामा–पहिलो म’
काठमाडौं । तत्कालीन नेकपा एमालेका महासचिव जननेता मदनकुमार भण्डारीको ६९ औँ जन्मजयन्ती आज मनाइँदैछ । भण्डारीको जन्मजयन्तीका अवसरमा नेकपाका नेता प्रदीप नेपालले सामाजिक संजाल फेसबुकमार्फत पार्टीको कार्यशैलीप्रति असन्तुष्टि जनाउँदै कडा आक्षेप लगाएका छन् ।
नेता नेपालले मदन भण्डारीको नेकपामा पहिलो पहिलो जनता, दोश्रो सिद्धान्त , तेश्रो म थियो तर आजको नेकपा पहिलो म, दोश्रो मेरा मान्छे, तेश्रो जनता भएको उल्लेख गरेका छन् ।
पार्टीभित्र म, आफन्तवाद हावी भएको भन्दै नेपालले असन्तुष्टि जनाएका हुन् । उनले पार्टीमा अब सिद्धान्त नभएको भन्दै असन्तुष्टि जनाएका छन् । उनले लेखेका छन्, ‘मदन भण्डारीको नेकपा–पहिलो जनता, दोश्रो सिद्धान्त , तेश्रो म । आजको नेकपा– पहिलो म, दोश्रो मेरा मान्छे, तेश्रो जनता ।’
