इशानको सत्याग्रह किन ?(भिडियो अन्तरवार्ता)
काठमाडौँ । ‘इनअफ इज इनअफ’ अभियानका अभियन्ता इशान अधिकारी कोरोना भाइरसबाट जनताको जीवन रक्षाको माग गर्दै शुक्रबारदेखि सत्याग्रह थालेका छन् । उनले शुक्रबार दिउँसो १ बजेदेखि आमरण अनशन थालेका हुन् । उनी पाटनको कृष्ण मन्दिर क्षेत्रमा सत्याग्रहमा बसेका छन्। शुक्रबार राति उनलाई प्रहरीले पक्राउ गरी हिरासतमा राखेर शनिबार पुनः रिहा गरेको थियो ।
पीसीआर परीक्षणको दायरा बढाउन, क्वारेन्टिन व्यवस्थित बनाउन, जीवन र मृत्युसँग जोडिएको विषयमा भ्रष्टाचार रोक्न, अग्रमोर्चामा खटिएका स्वास्थ्यकर्मीको सुरक्षामा ध्यान दिन, सर्वोच्च अदालतका आदेशको कार्यान्वयन गर्नुपर्ने लगायतका माग राख्दै अधिकारीले अनशन सुरु गरेका हुन् । उनले सरकारले माग सम्बोधन नगरुन्जेल आफू सत्याग्रहमा बस्ने बताएका छन् ।
फोटो र भिडियोः सगुन लावती
