सरकारको अकर्मण्यताका कारण कोरोना संक्रमण बढेको कांग्रेसको आरोप
काठमाडौं । नेपाली कांग्रेसले सरकारले कोरोना नियन्त्रण तथा रोकथाममा काम गर्न नसकेको आरोप लगाएको छ । कांग्रेस सहमहामन्त्री डा. प्रकाशशरण महतले सोमबार पत्रकार सम्मेलन गरी कोरोना नियन्त्रणमा लिएको नीति असफल भएको बताएका हुन् ।
उनले आरडिटी परीक्षण बन्द गरी पीसीआर परीक्षणलाई व्यापक रुपमा विस्तार गर्न, पीसीआर परीक्षण नगरी क्वारेन्टाइनबाट घर नपठाउन, असुरक्षित क्वारेन्टाइनहरु बन्द गरी सुरक्षित र मापदण्ड अनुकूलको क्वारेन्टाइनहरुको व्यवस्था गर्न सरकारसँग माग गरेका छन् । त्यस्तै कांग्रेसले जनतलाई विशेष राहत प्याकेजको व्यवस्था गर्न, विदेशबाट फर्कन चाहने नेपालीहरुलाई विना भेदभाव न्यूनतम भाडा दरमा फर्कने व्यवस्था गर्न पनि माग गरेको छ ।
