नेकपामा एमसीसी बेबारिसे बन्दै, सचिवालय बैठक फेरि स्थगित
काठमाडौं । एमसीसीबारे छलफल गर्न आज अपरान्ह चार बजेका लागि बोलाइएको सचिवालय बैठक स्थगित भएको छ । चार बजेका लागि बोलाइएको बैठक अकस्मात स्थगित गरिएको हो । दुई अध्यक्ष र महासचिवको परामर्शबाट बोलाइएको बैठक स्थगनको एसएमस पाउँदा आफूहरु अचम्मित भएको नेताहरुले बताएका छन् ।
पार्टी महासचिव विष्णु पौडेलले आकस्मिक काम परेकाले बैठक स्थगित गरिएको जानकारी दिएका छन् । पार्टीमा एमसीसीका बारेमा निर्णय गर्न बोलाइएको यसअघिका बैठक पनि बिना निष्कर्ष टुंगिएका थिए भने पछिल्लो समय बैठक स्थगितको श्रृंखला नै बनेको छ । जसका कारण सत्तारुढ नेकपामा एमसीसी बेबारिसे बनेको छ ।