नागरिक उड्डयन प्राधिकरणद्वारा चार्टर उडानमा रोक
काठमाडौं । नागरिक उड्डयन प्राधिकरणले कुटनीतिक माध्यमबाट हुने चार्टर उडानबाहेक सबैमाथि रोक लगाएको छ । विपतका बेला अन्तर्राष्ट्रिय चार्टर उडानका नाममा एयरलायन्स र ट्राभल एजेन्सीले मनपरी भाडा असुल्न थालेपछि नागरिक उड्डयन प्राधिकरणले कुटनीतिक माध्यमबाट हुने चार्टर उडानबाहेक सबैमाथि रोक लगाएको हो ।
प्राधिकरणको एयर ट्रान्सपोर्टेसन डिभिजन प्रमुख सचितभक्त पोखरेलले शनिबार सूचना जारी गरी ट्राभल एजेन्सी र एयरलायन्सलाई चार्टरका लागि बुकिङ नगर्न भनेका हुन् । सरकारसँग अनुमति नलिइ टिकट बिक्री गर्दै चार्टर हुन थालेपछि संस्कृति, पर्यटन तथा नागरिक उड्डयन मन्त्री योगेश भट्टराईले प्राधिकरणलाई चार्टर उडानमा कडाई गर्न निर्देशन दिएका थिए ।
