लकडाउन खुकुलो पार्न र परीक्षणको दायरा बढाउन प्रधानमन्त्रीलाई विज्ञको सुझाव
काठमाडौं । विज्ञहरुले प्रधानमन्त्री केपी शर्मा ओलीलाई परीक्षणको दायरा फराकिलो बनाउन सुझाव दिएका छन् । करिव पाँच घण्टा लामो छलफलमा विज्ञहरुले प्रधानमन्त्री ओलीलाई परीक्षणका दायरा बढाउन र लकडाउनको मोडालिटी परिवर्तन गर्न सुझाव दिएको बताएका छन् ।
छलफलमा सहभागी जनस्वास्थ्यविद् डा. समीरमणि दीक्षितले आफूले प्रधानमन्त्रीलाई परीक्षणको दायरा बढाउन र लकडाउन खुकुलको पार्न सुझाव दिएको जानकारी दिए । त्यस्तै दीक्षिले प्रधानमन्त्रीलाई ज्ञान नभएको विषयमा जथाभावी नबोल्नसमेत आग्रह गरेका छन् ।
अर्का जनस्वास्थ्यविद् डा. रवीन्द्र पाण्डेले लकडाउनको मोडालिटी परिवर्तन गर्न सुझाव दिएको बताएका छन् । उनले चरणबद्ध रुपमा लकडाउन खुकुलो पार्न आफूले सुझाव दिएको बताए ।
