सरकारद्वारा संसद सचिवालयमा संविधान संशोधन प्रस्ताव दर्ता
काठमाडौं । सरकारले संविधान संशोधन प्रस्ताव संसद सचिवालयमा दर्ता गराएको छ । शुक्रबार मन्त्रिपरिषद बैठकले निशान छाप संशोधनका लागि संविधान संशोधन गर्ने निर्णय गरेपछि संसद सचिवालयमा संशोधन प्रस्ताव दर्ता गरिएको हो ।
कानुन, न्याय तथा संसदीय मामिलामन्त्री शिवमाया तुम्बाहाङ्फेले संविधान संशोधन विधेयक दर्ता गरेको प्रतिनिधि सभाका सभामुख अग्नि सापकोटाका प्रेस सल्लाहकार श्रीधर न्यौपानेले जानकारी दिए ।
नेपालको संविधानको अनुसूची–३ को निशान छाप अंकित नेपालको नक्सालाई नेपालको वास्तिवक सीमा अनुरुप मिलाउन आवश्यक भएकाले नेपालको संविधानको अनुसूची–३ मा संशोधन गर्ने प्रयोजनका लागि यो संशोधन प्रस्ताव पेश गरिएको संशोधन विधेयककको उद्देश्य र कारणमा उल्लेख गरिएको छ ।
