‘यो देशमा सिंहदरबार आउनेलाई कोरोना लाग्दैन ?’
काठमाडौं । सत्तारुढ नेपाल कम्युनिष्ट पार्टीकी नेतृ एवं सांसद रामकुमारी झाँक्रीले बिना कुनै सावधानी संसदीय समितिको बैठक संचालन गरिएको भन्दै आपत्ति जनाएकी छन् । सामाजिक संजाल फेसबुकमार्फत झाँक्रीले एकाएक सिंहदरबारमा भिड बढेको भन्दै आपत्ति जनाएकी हुन् ।
कोरोना संक्रमणको जोखिम रहेको बेला विभिन्न जिल्लाबाट सांसदहरु काठमाडौं आउनु भएको र समितिका बैठक चाउनु कति उचित हो भन्दै प्रश्न गरेकी छन् । उनको प्रश्न छः लकडाउन सर्वसाधारण जनतालाई मात्रै हो र के सिंहदरबार आउनेलाई कोरोना लाग्दैन ?
उनले लेखेकी छन्, ‘एकाएक सिंहदरवारमा भिडभाड बढ्यो । विभिन्न जिल्लाबाट माननीयहरू आउनु भएको छ । यतिन्जेल देशमा लकडाउन पनि छ । तर बिना कुनै साबधानी, यसरी निर्वाध समितीका बैठक चलाउने हो भने, दुई कुरा मान्नुपर्योः
१. यो देशमा सिंहदरवार आउनेलाई कोरोना लाग्दैन।
२. लकडाउन सर्वसाधारण जनतालाई मात्र हो ।