शंकर ग्रुपका संचालक अग्रवालमाथि अनुसन्धान गर्न सात दिनको म्याद थप
काठमाडौं । थर्मल गनको कालोबजारी गरेको आरोपमा पक्राउ परेका शंकर ग्रुपका संचालक सुलभ अग्रवालमाथि अनुसन्धान गर्न जिल्ला प्रशासन कार्यालय काठमाडौंले सात दिनको म्याद थप गरेको छ ।
उनीमाथि अनुसन्धान गर्न बुधबार काठमाडौं जिल्ला प्रशासन कार्यालयले सात दिनको म्याद थप गरेको हो । मंगलबार महानगरीय अपराध महाशाखाले तीन हजार पर्ने थर्मन गनलाई १५ हजार रुपैयाँमा विक्रि गरेको भन्दै अग्रवाललाई पक्राउ गरेको थियो । उनीमाथि लागेको आरोप पुष्टि भएमा उनलाई विगो जफत र विगो बराबरको जरिवाना वा पाँच वर्ष कैद वा दुवै सजाय हुने छ ।
