बहराइनमा रहेका नेपालीहरुको अवस्थाकाबारेमा प्रधानमन्त्रीद्वारा जानकारी
काठमाडौं । प्रधानमन्त्री केपी शर्मा ओलीले बहराइनमा रहेका नेपालीहरुको अवस्थाकाबारेमा चासो राखेका छन् । कोरोना महामारीका कारण विश्वनै प्रभावित भइरहेको बेला शनिबार प्रधानमन्त्री ओलीले बहराइनका समकक्षीसँग टेलिफोन गरी त्यहाँ रहेका नेपालीहरुको बारेमा चासो व्यक्त गरेका हुन् ।
कुराकानीका क्रममा बहराइनका समकक्षीहरुले त्यहाँ रहेका नेपालीहरुको सुरक्षा र सहयोग गर्ने प्रतिबद्धता प्राप्त भएको प्रधानमन्त्रीले उल्लेख गरेका छन् । प्रधानमन्त्रीले अरु देशमा रहेका नेपालीहरुको अवस्थाको बारेमा अरु देशका सरकार प्रमुखसँग समेत छलफल जारी राख्ने बताएका छन् ।
