वैदेशिक रोजगारीका लागि दिइने श्रम स्वीकृति स्थगन गर्ने सरकारको निर्णय

काठमाडौं । सरकारले वैदेशिक रोजगारीका लागि दिने गरेको श्रम स्वीकृति बन्द गरेको छ । वैदेशिक रोजगार विभागले अर्को सूचना जारी नभएसम्मका लागि श्रम स्वीकृति बन्द गरिएको जनाएको हो ।

सूचनामा कोरोना रोग रोकथाम तथा नियन्त्रण उच्चस्तरीय समन्वय समितिको निर्णयअनुसार श्रम स्वीकृति स्थगन गरिएको जनाइएको छ । ‘अर्को सूचना जारी नभएसम्म वैदेशिक रोजगारीका लागि दिइने श्रम स्वीकृति स्थगन गर्ने निर्णय गरिएको’ कार्यालयले जनाएको छ । यसअघि कतारको श्रम स्वीकृति दिन बन्द गरिएको थियो ।

कतार सरकारले नेपालीलाई कतार जान रोक लगाएपछि सरकारले श्रम स्वीकृति दिन बन्द गरेको थियो । अब नेपाली रोजगारीका लागि कुनै पनि मुलुकमा जान श्रम स्वीकृति तत्काल पाउने छैनन् ।