प्रधानमन्त्री ओलीको बुधबार मिर्गौला प्रयारोपण गरिने
काठमाडौँ । प्रधानमन्त्री केपी शर्मा ओलीको बुधबार मिर्गौला प्रत्यारोपण गरिने भएको छ । आइतबार बसेको नेकपा सचिवालय बैठकमा प्रधानमन्त्री ओलीले उक्त जानकारी दिएका प्रवक्ता नारायणकाजी श्रेष्ठले जानकारी दिए ।
नेकपा अध्यक्ष रहेका ओलीको शिक्षण अस्पताल महाराजगंजमा मिर्गौला प्रत्यारोपण गरिने छ । त्यसका लागि ओली सोमबार अस्पताल भर्ना हुनेछन् ।
प्रवक्ता श्रेष्ठले सचिवालय बैठकले प्रधानमन्त्रीको सफल प्रत्यारोपण र स्वास्थ्य लाभको कामनासमेत गरेको बताए ।
प्रधानमन्त्री ओलीको १२ वर्षअघि भारतको नयाँदिल्लीमा मिर्गौला प्रत्यारोपण गरिएको थियो। केही समयअघि उनको मिर्गौलाले काम गर्न छोडेको थियो। त्यसपछि उनले नियमित डायलासिस गरिरहेका थिए ।
