अमेरिकाले नेपाली सेनालाई दियो दुई स्काइ ट्रक
काठमाडौँ । अमेरिकाले नेपाली सेनालाई दुइटा एम–२८ स्काईट्रक प्रदान गरेको छ । त्रिभुवन विमानस्थलस्थित नेपाली सेनाको हवाई महानिर्देशनालयमा बुधबार आयोजित कार्यक्रममा नेपालका लागि अमेरिकी राजदुर्त यान्डी बेरीले नेपाली सेनाका रथी शरद गिरीलाई विमान हस्तान्तरण गरे ।
यी स्काईट्रक मानिस र समान दुवै बोक्न प्रयोग गर्न मिल्ने सेनाले बताएको छ । छोटो समयमा उड्न र अवतरण गर्नसक्ने क्षमतासहितको यी विमान नेपालको भूगोलका निम्ति उपयुक्त हवाई साधन हुने बताइएको छ ।
यसबाट नेपालकै इतिहासमा सबभन्दा ठूलो सुरक्षा अनुदान मध्येको अनुदानको पहिलो भागको प्रतिनिधित्व भएको काठमाडौंस्थित अमेरिकी दुतावासले विज्ञप्ति मार्फत् जनाएको छ। झन्डै १ करोड ५० लाख डलरको अमेरिकी अनुदानको सबैभन्दा ठूलो अंशका रूपमा यी दुई विमान छन्।
