पशुपतिनाथको मन्दिर सफा राख्न पनि छिमेकी मुलुकसँग गुहार !



काठमाडौं । पशुपतिनाथ मन्दिर परिसर सरसफाइ र खानेपानीसम्बन्धी परियोजना सञ्चालन गर्न भारत सरकारले सहयोग गर्ने भएको छ । त्यस सम्बन्धी सम्झौतापत्रमा सङ्घीय मामिला तथा सामान्य प्रशासन मन्त्रालयको विकास सहायता समन्वय शाखा प्रमुख रेशम कँडेल, काठमाडौँ महानगरका तर्फबाट पूर्वाधार विकास विभागका प्रमुख राम थापा र भारतीय दूतावासका तर्फबाट डेभलपमेन्ट को–अपरेशन काउन्सिलर डा प्रफुल्लचन्द्र शर्माले हस्ताक्षर गरेका छन् ।

भारत सरकारको सहयोगमा सञ्चालन हुने साना विकास परियोजनाअन्तर्गत भारतीय दूतावासको तीन करोड ७२ लाख ३१ हजार १६२ र काठमाडौँ महानगरको एक करोड ४५ लाख ७९ हजार १४४ रुपैयाँ लागत सहभागिता रहने परियोजनाको लागत पाँच करोड १८ लाख १० हजार ३०६ रुपैयाँ रहेको छ ।

सम्झौताबमोजिम परियोजनाको सञ्चालन पशुपति क्षेत्र विकास कोष, परियोजना कार्यान्वयन काठमाडौँ महानगरपालिका र अनुगमन सङ्घीय मामिला तथा सामान्य प्रशासन मन्त्रालयले गर्नेछन् । परियोजनामा खानेपानी वितरण प्रणाली सुधार, ढल निर्माण, सरसफाइ तथा फोहरमैला व्यवस्थापनको काम हुनेछ ।

परियोजना आगामी १५ महिनाभित्र सम्पन्न गर्ने लक्ष्य राखिएको छ । तर पशुपतिनाथ क्षेत्रको सरसफाईका लागि भारतसँग सहयोग लिएको भन्दै त्यसको विरोध भएको छ । पूर्वमुख्यसचिव लिलामणि पौडेलले सरसफाईका लागि सहयोग लिनु अनुचित भएको बताएका छन् ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
कक्षा ११ मा नयाँ पाठ्यक्रम यसै सत्रदेखि लागू

काठमाडौं । शिक्षा, विज्ञान तथा प्रविधि मन्त्रालयले मुलुकका सबै विद्यालयका कक्षा ११ को

गृह मन्त्रालयले भन्यो-सङ्कटकाल/कफ्र्यु लाग्ने कुरा तथ्यहीन

काठमाडौं । गृह मन्त्रालयले विभिन्न विद्युतीय माध्यममा सङ्कटकाल र कफ्र्यु लाग्छ भनेर सार्वजनिक

स्वीडेनमा साझा सद्भाव समूहको राष्ट्रिय समिति गठन

काठमाडौं । साझा पार्टीले देशभित्र र देश बाहिर व्यापकरुपमा संगठन विस्तार अभियानलाई तिब्रता

कैलालीको कैलारीमा बिओपी स्थापना

कैलाली । कैलालीको कैलारी गाउँपालिका –५ छोटीपलियामा सशस्त्र प्रहरीको सीमा सुरक्षाचौकी (बिओपी) स्थापना