प्रधानमन्त्रीमा कमीकमजोरी स्वीकार्ने र सच्चिने कुनै छाँटकाँट देखिएनः बाबुराम भट्टराई
काठमाडौं । पूर्वप्रधानमन्त्री डा. बाबुराम भट्टराईले प्रधानमन्त्री केपी शर्मा ओलीमा अहंकारको दम्भ अझै नहटेको बताएका छन् । प्रधानमन्त्री ओलीले सरकारको नीति तथा कार्यक्रममाथि सांसदहरुले उठाएका प्रश्नको जवाफ दिने क्रममा आएका अभिव्यक्तिले त्यस्तै देखाएको भट्टराईले बताएका हुन् ।
प्रधानमन्त्री ओलीको सम्बोधनपछि ट्वीट गर्दै भट्टराईले भनेका छन्, प्रधानमन्त्री ओलीको तीन घण्टाको स्पष्टीकरण सुन्दा उहाँमा आफ्ना कमीकमजोरी स्वीकार्ने र सच्चिने कुनै छाँटकाँट देखिएन । कोरोना, राष्ट्रियता, लोकतन्त्रका व्याख्यान सुन्दा अल्पज्ञान र अहंकारको भयंकर ककटेल देखियो । लिपुलेक नक्साको ब्याज भजाएर अकंटक कुशासन चलाउने र देशलाई बर्बादीमा लैजाने बुझियो !’
त्यस्तै भट्टराईले विदेशमा अलपत्र कामदारकाबारेमा लेखेका छन्, ‘अलपत्र श्रमिकलाई प्रधानमन्त्री ओलीले ‘तिनलाई ल्याएर कोरोना मात्रै फैलाउने,देशै सोत्तर पार्ने ?’ भनेपछि यिनलाई के भनूँ(“म सुजन थापा मेरो घर गोर्खा म दुबईमा छु मेरो भिसा पनि सकियो मलाई खान बस्नलाइ साह्रै समस्या भयो नेपाल आउनलाई सरखारले केकस्तो बेबस्ता गरेको छ र कहिलेबाट आउन सकिन्छ?’
