आफ्ना सुरक्षाकर्मी फिर्ता लैजान सरकारलाई नारायणकाजीको आग्रह
काठमाडौं । सत्तारुढ नेपाल कम्युनिष्ट पार्टीका प्रवक्ता नारायणकाजी श्रेष्ठले आफ्नो सुरक्षामा खटिएका सुरक्षाकर्मी फिर्ता लैजान सरकारलाई आग्रह गरेका छन् । बुधबार ट्वीट गर्दै प्रवक्ता श्रेष्ठले आफूलाई सुरक्षा खतरा महसुस नभएको र आफ्नो भन्दा राष्ट्रको सुरक्षा महत्वपूर्ण विषय भएकाले सुरक्षाकर्मी फिर्ता लैजान आग्रह गरेका हुन् ।
उनले लेखेका छन्, ‘थाहै छ,म पछुवा नियमित प्रयोग गर्दिन।मैले आफूलाई सुरक्षा खतरा महसुस गरेको छैन । राज्य संयन्त्रले त्यस्तो आँकलन गरेको छ भनेपनि मेरो भन्दा राष्ट्रको सुरक्षा महत्वपुर्ण हुन्छ । त्यसैले राज्यको आवश्यकताका लागि कुनै पनि क्षण फिर्ता लैजान अनुरोध छ । यसबाट राज्यलाई अप्ठेरो परेको भए क्षमा याचना ।’
