संविधानको भावना र मर्म विपरित ल्याइएको अध्यादेशको कांग्रेसले प्रतिवाद गर्ने
काठमाडौं । नेपाली कांग्रेसले कोरोनाको संक्रमणकाविरुद्ध सिंगो देश एक ढिक्का रहेर लडिरहेको र अझ शसक्त भएर लड्नुपर्ने बेला संविधानको मर्म र भावना विपरीत अधिनायकवादी सोचका साथ सरकारले अध्यादेश ल्याएको भन्दै खेद व्यक्त गरेको छ ।
मंगलबार बिहान बसेको पार्टी पदाधिकारी बैठकले बैठकले जनताको जीवनप्रतिको उदासिन ब्यवहार र लोकतान्त्रिक संविधानका लागि यो अशुभ संकेतका रूपमा लिंदै भत्सर्ना र खेद व्यक्त गरेको हो । सरकारको कदम लोकतान्त्रिक संविधानलाई असफल बनाउने षड्यन्त्र गरिनुलाई कम्युनिष्ट सरकारको नियोजित नियत ठहर गर्दै बैठकले एक्यवद्ध ढंगले यसको प्रतिवाद गर्ने एवं सबै राजनैतिक दल, संघसंस्था, नागरिक समाज, आम संचारका माध्यम र समस्त नेपालीलाई यसका विरुद्ध उभिन अपील गर्ने निर्णय गरेको छ ।
