बंगलादेशी नागरिकको भावना बमोजिम चाँडै नै शान्ति स्थापना हुने र लोकतान्त्रिक प्रकृया सुचारु ढंगले अघि बढ्ने कांग्रेसको विश्वास
काठमाडौं । नेपाली कांग्रेसले बंगलादेशमा त्यहाँका नागरिकको भावना अनुसार चाँडै शान्ति स्थापना हुने विश्वास व्यक्त गरेको छ । बुधबारको केन्द्रीय समिति बैठकले बंगलादेशमा लोकतान्त्रिक प्रक्रिया सुचारु हुने विश्वास गरेको हो ।
कांग्रेसले भनेको छ, ‘बंगलादेशमा पछिल्लो समय विकसित घटनाक्रमको सम्बन्धमा नेपाली कांग्रेसले बंगलादेशी नागरिकको भावना बमोजिम चाँडै नै त्यहाँ शान्ति स्थापना हुने र लोकतान्त्रिक प्रकृया सुचारु ढंगले अघि बढ्ने विश्वास लिएको छ । यो घटनाबाट नेपाली विद्यार्थी र अन्य नेपाली नागरिकलाई कुनै असर पर्न नदिन नेपाल सरकारले थप तदारुकता राख्ने विश्वास बैठकले लिएको छ ।’
