संसदीय सुनुवाइ समितिको बैठक बस्दै, प्रस्तावित निर्वाचन आयुक्त प्रधानको नाम अनुमोदन होला ?

काठमाडौँ । संसदीय सुनुवाइ समितिको बैठक आज बस्दैछ । बिहान साढे ११ बजेका लागि बोलाइएको बैठकमा प्रस्तावित निर्वाचन आयुक्त कृष्णमान प्रधानबारे निर्णय गरिने बताइएको छ ।

असार २ गते संवैधानिक परिषद्को बैठकले निर्वाचन आयुक्तमा नियुक्त गर्न सिफारिस गरिएका प्रधानविरुद्ध एक महिलाले आफूलाई यौन शोषण गरेको उजुरी दिएकी थिइन् ।

त्यसपछि उजुरीकर्ता र प्रधानसँग यस विषयमा सुनुवाइ समितिले छलफल गरेको थियो । प्रधानमाथिको सुनुवाइ सकिइसकेकाले आज उनको सिफारिस अनुमोदन गर्ने कि नगर्ने भन्ने निर्णय हुने छ । साउन ९ गते प्रधानसँग छलफल गरेपछि सुनुवाइ समिति बैठक स्थगित गरिएको थियो ।