देश प्रशंसा गर्न लायक छ, तर अवस्था छैनः प्रधानमन्त्री
काठमाडौं । प्रधानमन्त्री केपी शर्मा ओलीले देशको अवस्था प्रशंसा गर्न लायकको नरहेको बताएका छन् । बिहीबार काठमाडौंमा ६२ औं इन्जिनियर दिवसको उद्घाटन समारोहलाई सम्बोधन गर्दै प्रधानमन्त्री ओलीले गौरवपूर्ण इतिहास भएपनि देशको अवस्था सन्तोषजनक नरहेको भन्दै त्यो अवस्थालाई बदल्न आवश्यक रहेको बताएका हुन् ।
उनले देश अप्ठ्यारो अवस्था रहेकाले त्यसलाई सजिलोमा परिणत गर्नुपर्ने बताए । उनले भने, ‘देशको अवस्था राम्रो छैन । प्रशंसा गर्न लायक छैन । देश प्रशंसा गर्न लायक छ, देशको इतिहास प्रशंसा गर्न लायक छ । गौरवपूर्ण इतिहास छ । भविष्य उज्वल छ । तर, आज सन्तोष मान्न र खुसी हुन सकिने अवस्था छैन । हामीले यस अवस्थालाई हामीले बदल्नै पर्नेछ ।’
उनले देशको अप्ठ्यारोको समाधान खोज्ने सकिने भएकाले इन्जिनियरहरुलाई ढुक्क हुन आग्रह गरे ।
