गृहमन्त्रीमाथि छानबिन गर्न संसदीय समिति गठनको माग गर्दै कांग्रेसद्वारा सदन अवरोध
काठमाडौँ । नेपाली कांंग्रेसले प्रतिनिधिसभाको बैठकमा अवरोध गरेको छ । शुक्रबार बजेट अधिवेशनको पहिलो बैठकको सुरुवातमै कांग्रेसले अवरोध गरेको हो । सभामुखले बैठक अगाडि बढाउने क्रममा राष्ट्रपति कार्यालयले पठाएको पत्र वाचन गर्न खोज्दा कांग्रेस सांसदहरुले आसनबाट उभिएर अवरोध गरेका हुन् ।
सभामुख देवराज घिमिरेले बैठकमा दलीय आधारमा बोल्न समय दिने जानकारी गराउँदै आसनमा बस्न आग्रह गरेका थिए । तर कांग्रेसले नियमित कार्यसूचीमा जान नसक्ने बताएपछि सभामुखले कांग्रेस महामन्त्रीलाई बोल्न समय दिएका थिए ।
महामन्त्री थापाले संसदीय समिति गठन नभएसम्म सदन चल्न नदिने चेतावनी दिए । त्यसपछि सभामुखले राष्ट्रपति कार्यालयबाट आएका पत्र वाचन गर्न लागेका थिए । तर कांग्रेस सांसदहरुले उठेर विरोध गरेका थिए । त्यसपछि सभामुखले बैठक १५ मिनेटका स्थगित गरेका छन् ।
