देउवा र माधव नेपालबीचको छलफल सकारात्मक
काठमाडौं । नेपाली कांग्रेसले नेकपा एकीकृत समाजवादीलाई मिलेर जान आग्रह गरेको छ । बुधबार बिहान एकीकृत समाजवादीका अध्यक्ष माधवकुमार नेपाललाई भेटेर कांग्रेस सभापति शेरबहादुर देउवाले मिलेर जान आग्रह आग्रह गरेका हुन् ।
भेटमा सभापति देउवाले प्रधानमन्त्री प्रचण्डले धोका दिएकाले सँगै मिलेर जान आग्रह गरे थिए । जवाफमा अध्यक्ष नेपालले पार्टीमा छलफल गरी यसबारे निर्णय गर्ने बताएका छन् । दुई नेताबीच नयाँ सत्ता समीकरण र पछिल्लो राजनीतिक घटनाक्रबारे छलफल भएको थियो ।
भेटपछि अध्यक्ष नेपालले भेट सकारात्मक रहेको र छलफललाई निरन्तरता दिइने बताए । भेटमा सहभाभगी कांग्रेस नेता रमेश लेखकले आफूहरु सँगै अघि बढ्ने समझदारी भएको र बाँकी कुरा एकीकृत समाजवादीको सचिवालय बैठकपछि थाहा हुने बताए ।
यसअघि मंगलबार राति प्रधानमन्त्री पुष्पकमल दाहाल र नेकपा एमालेका अध्यक्ष केपी शर्मा ओलीले पनि नेपाल निवासमा पुगेर सरकारमा सहभागी हुन आग्रह गरेका थिए । नयाँ गठबन्धनको सरकारमा सहभागिता हुने/नहुने विषयलाई टुंगो लगाउन आज केन्द्रीय सचिवालय बैठक बोलाएको छ ।
