सरकारमा सहभागी हुन माधव नेपाललाई प्रधानमन्त्रीको आग्रह
काठमाडौं । प्रधानमन्त्री पुष्पकमल दाहाल प्रचण्ड नेकपा (एकीकृत समाजवादी)का अध्यक्ष माधव कुमार नेपाललाई भेट्न कोटेश्वर पुगेका छन् । पार्टी उपाध्यक्ष नारायणकाजी श्रेष्ठलाई साथमा लिएर उनी नेपाल निवास कोटेश्वर पुगेका हुन् ।
प्रधानमन्त्रीले अध्यक्ष नेपाललाई सरकारमा सहभागी हुन आग्रह गरेका थिए । तर नेपालले पार्टीमा छलफल गरेपछि मात्रै यसबारे निर्णय दिने बताएका छन् । अध्यक्ष नेपालले प्रधानमन्त्रीलाई नयाँ सत्ता समीकरणबारे आफूलाई जानकारी नदिएको भन्दै असन्तुष्टि पोखेका थिए । जवाफमा प्रधानमन्त्रीले आफूबाट त्रुटी भएको भन्दै सल्लाह गरेर अघि बढ्ने बताएका थिए ।