विश्वमा ७ करोड ७० लाख मानिस कोरोना संक्रमणमुक्त
विश्वमा हालसम्म सात करोड ७० लाख ८१ हजार १ सय भन्दा बढी कोरोना संक्रमणमुक्त भएका छन्। यस्तै, पछिल्लो २४ घण्टामा ५ लाख ४ हजार भन्दा बढी संक्रमित भएका छन् । यो संगै विश्वमा कोरोना संक्रमितको संख्या १० करोड ५४ लाख १ हजार १७० पुगेको छ ।
संक्रमितमध्ये २२ लाख ९२ हजार ७ सय २९जनाको मृत्यु भइसकेको छ । पछिल्लो २४ घण्टामा १४ हजार २ सयबढीको मृत्यु भएको थियो । हाल विश्वमा दुई करोड ५८ लाख ८२ हजारभन्दा बढी सक्रिय संक्रमित छन् ।
कोरोना भाइरसबाट सबैभन्दा बढी प्रभावित राष्ट्र अमेरिकामा हालसम्म दुई करोड ७२ लाखभन्दा बढी मानिस संक्रमित भइसकेका छन् । संक्रमितमध्ये एक करोड ७० लाख ३१ हजारभन्दा बढी निको भएका छन् भने चार लाख ६६ हजार ९ सय ८८ जना संक्रमितले ज्यान गुमाइसकेका छन् ।
भारतमा हालसम्म एक करोड ८ लाख ३ हजारभन्दा बढी मानिस संक्रमित भएका छन् । संक्रमितमध्ये एक करोड चार लाख ९५ हजारभन्दा बढी निको भएका छन् भने कोरोनाबाट ज्यान गुमाउनेको संख्या एक लाख ५४ हजार ८ सय ६२ जना पुगेको छ।
