विश्वमा कोरोना संक्रमणबाट २१ लाख ८४ हजार मानिसको मृत्यु

कोरोना भाइरसबाट विश्वमा संक्रमित हुनेको संख्या १० करोड १४ लाख नाघेको छ । सन् २०१९ को डिसेम्बरमा चीनको वुहानबाट सुरु भएको भाइरसको संक्रमण अहिले विश्वभर फैलिएको छ ।

हालसम्म १० करोड १४ लाख ३३ हजार भन्दाबढी भाइरसबाट संक्रमित भएका छन् । यस्तै सात करोड ३३ लाख २० हजार भन्दा बढी मानिस कोरोना संक्रमणबाट मुक्त भएका छन् । हालसम्म विश्वमा कोरोना संक्रमणबाट २१ लाख ८४ हजारभन्दा बढीको मृत्यु भइसकेको छ ।

सबैभन्दा बढी प्रभावित अमेरिकामा दुई करोड ६१ लाख ६६ हजार भन्दा बढी मानिसलाई कोरोना संक्रमण भएको छ । कोरोनाका कारण अमेरिकामा हालसम्म चार लाख ३९ हजार ५१७ जनाको मृत्यु भएको छ ।

यस्तै, छिमेकी मुलुक भारतमा अहिलेसम्म एक करोड ७ लाख भन्दा बढीमा कोरोना भाइरस संक्रमण भएको छ । कोरोनाका कारण भारतमा एक लाख ५३ हजार ८८५ जनाको मृत्यु भइसकेको छ ।