भेन्टिलेटरमा राख्नुअघि सङ्क्रमित जोडीको अस्पतालमा विवाह



कोभिड-१९ बाट सङ्क्रमित भएका कारण अस्पताल पुर्याइएका एक जोडीले पुरुषलाई बेहोस बनाई भेन्टिलेटरमा राखिनुअघि विवाह गरेका छन्।

३१ वर्षकी एलिजाबेथ कर र ३६ वर्षका साइमन ओ ब्रायनको श्वासप्रश्वासमा समस्या देखिएसँगै जनवरी ९ तारिखमा वेलायतस्थित मिल्टन कीन्स युनिभर्सिटी अस्पताल पुर्याइएको थियो । अस्पताल भर्ना गरिएका पुरुषको अवस्था बिग्रँदै गएपछि त्यहाँका कर्मचारीहरूले विवाहको प्रबन्ध मिलाएका थिए । वैवाहिक कार्यक्रम सम्पन्न नहुँदासम्म उनीहरूले ओ ब्रायनलाई एउटा ट्युबबाट सास फेर्न सहज पारिदिएका थिए ।

उक्त दम्पती हाल निको हुने क्रममा छ । पेसाले नर्स कर र ओ ब्रायनले आगामी जुन महिनामा विवाह गर्ने योजना बनाएका थिए । तर उनीहरू कोरोनाभाइरसबाट सङ्क्रमित भएसँगै अक्सिजनको तह निकै कम पुगेपछि अस्पताल दौडाइएको थियो ।

सुरुमा उनीहरूलाई फरक वार्डमा राखिएको थियो। तर करले नर्स हाना क्याननलाई आफूहरूको विवाह गर्ने योजना सुनाएपछि ती नर्सले अस्पतालमा विवाह गर्ने विषयमा सोधेकी थिइन् ।

करका अनुसार उनलाई विवाह गर्ने यो नै अन्तिम मौका हुनसक्ने बताइएको थियो । ‘यी त्यस्ता शब्द हुन जुन म फेरि कहिल्यै सुन्न चाहन्न,’ उनले भनिन् । अस्पतालका कर्मचारीहरूले विवाहका लागि आवश्यक अनुमति लिने प्रयास गरिरहेका बेला ओ ब्रायनको अवस्था थप बिग्रियो र जनवरी १२ तारिखमा उनलाई भेन्टिलेटरमा राख्नको लागि आईसीयूमा लगियो ।

‘हामी सबै मिलेर उनीहरूको विवाह गरायौँ। उनीहरूले चाहे जस्तो विवाह यो नहुन सक्छ तर पक्कै पनि यो केही हदसम्म सकारात्मक, असाधारण अनि स्मरणीय हुन सक्छ,’ क्याननले भनिन् । परिवार सदस्य अनि साथीहरूका लागि उनले विवाह समारोहको भिडिओ कैद गरिन्। अस्पतालमा खानपानको प्रबन्ध गर्ने कर्मचारीहरूले केकको व्यवस्था गरे ।

विवाह सम्पन्न भएको केही समयपछि नै ओ ब्रायनलाई भेन्टिलेटरमा राखियो । हाल उक्त दम्पती एउटै वार्डमा छ र विवाह भएपछि पहिलोपटक चुम्बन गर्न सफल भएको छ ।

करले विवाह हुनु आफूहरूका लागि सम्पूर्ण कुरा रहेको बताएकी छन् । ‘हामी एक अर्का सँगै नभएको भए र हामीलाई विवाह गर्ने मौका नदिइएको भए मलाई लाग्दैन कि हामी दुवै यहाँ सँगै हुने थियौँ,’ उनले थपिन् ।
बीबीसीबाट

यो खबर पढेर तपाईलाई कस्तो महसुस भयो ?

प्रतिक्रिया दिनुहोस
आफ्नो देशबाट भागेका प्रहरी अधिकारी फर्काउन भारतलाई म्यान्मारको पत्राचार

म्यान्मारले सरकारको निर्देशन मान्न अस्वीकार गरेर छिमेकी भारत छिरेका केही प्रहरी अधिकारीलाई फिर्ता

विश्वकै सबैभन्दा जेठी जङ्गली चरीले ७० वर्षको उमेरमा पाइन् बचेरो

विश्वकै सबैभन्दा जेठी जङ्गली चरी विज्डम द एल्बाट्रसले कम्तीमा ७० वर्षको उमेरमा बचेरो

नारायणगढ–मुग्लिन सडक आजदेखि एक साता दिउँसो बन्द हुने

भरतपुर । पहिरो रोकथामको बाँकी काम सम्पन्न गर्नका लागि नारायणगढ–मुग्लिन सडकखण्ड एक हप्ता

संसदको हिउँदे अधिवेशन आजदेखि सुरु हुँदै, होला त प्रधानमन्त्रीविरुद्ध अविश्वासको प्रस्ताव दर्ता ?

काठमाडौं । सरकारको नेतृत्व गरिरहेको नेपाल कम्युनिष्ट पार्टीभित्रको विवाद उत्कर्षमा पुुगिरहेको बेला प्रतिनिधिसभाका