पछिल्लो २४ घण्टामा विश्वमा ९ हजार भन्दा बढी कोरोना संक्रमितको मृत्यु
विश्वमा कोरोना संक्रमितको संख्या ९ करोड ५४ लाख नाघेको छ । पछिल्लो २४ घण्टामा ५ लाख ३१ हजार भन्दाबढी संक्रमित थपिएका छन् भने ४ लाख बढी संक्रमणमुक्त भएका छन् । हालसम्म विश्वमा ९ करोड ५४ लाख ७९ हजार ६२ जना संक्रमित भएका छन् । संक्रमितमध्ये ६ करोड ८१ लाख ६७ हजार १६१ जना संक्रमणमुक्त भएका छन् ।
यस्तै, पछिल्लो २४ घण्टामा ९ हजार बढी संक्रमितको मृत्यु भएसँगै मृतकको संख्या २० लाख ३९ हजार ६०१ पुगेको छ । हाल विश्वमा २ करोड ५२ लाख ७२ हजार ३०० जना सक्रिय संक्रमित रहेका छन् भने १ लाख १३ हजार २१४ जनाको अवस्था गम्भीर रहेको छ ।
कोरोनाबाट सबैभन्दा बढी संक्रमित अमेरिकामा २ करोड ४४ लाख ८२ जार ५० जना रहेका छन् । यस्तै ४ लाख ७ हजार २०२ जनाको मृत्यु भएको छ ।
छिमेकी मुलुक भारतमा संक्रमितको संख्या १ करोड ५ लाख ७२ हजार ६७२ पुगेको छ भने १ लाख ५२ हजार ४५६ जना संक्रमितको मृत्यु भएको छ ।