विश्वमा ५ करोड ७२ लाख कोरोना संक्रमणमुक्त,१७ लाख ७१ हजारको मृत्यु
विश्वमा कोरोना भाईरस संक्रमणका कारण मृत्यु हुनेको संख्या १७ लाख ७१ हजार नाघेको छ । पछिल्लो २४ घण्टामा ६ हजार ९८१ संक्रमितको मृत्यु भएको छ । योसँगै १७ लाख ७१ हजार ४०७ संक्रमितको मृत्यु भएको वल्डोमिटरले जनाएको छ । पछिल्लो २४ घण्टामा मात्रै विश्वभर ३ लाख ८७ हजार भन्दाबढी संक्रमणमुक्त भएका छन् । योसँगै विश्वभर संक्रमणमुक्त हुनेको संख्या ५ करोड ७२ लाख ८१ हजार ३१ पुगेको छ ।
यस्तै पछिल्लो २४ घण्टामा विश्वभर ४ लाख ८ हजार भन्दा बढीमा संक्रमण भएको छ । योसँगै विश्वभर संक्रमित संख्या ८ करोड ११ लाख ३२ हजार ४८० पुगेको छ । हाल विश्वभर २ करोड २० लाख ८० हजार ४० जना सक्रिय संक्रमित छन् भने एक लाख ५ हजार भन्दाबढीको अवस्था गम्भीर रहेको छ ।
कोरोनाबाट सबैभन्दा बढी प्रभावित अमेरिकामा संक्रमितको संख्या १ करोड ९५ लाख ७३ हजार ८४७ पुगेको छ । संक्रमितमध्ये अहिलेसम्म १ करोड १४ लाख भन्दाबढी संक्रमणमुक्त भएका छन् । कोरोना संक्रमणका कारण मृत्यु हुनेको संख्या ३ लाख ४१ हजार नाघेको छ ।
त्यसैगरी, भारतमा सक्रमितको संख्या १ करोड २ लाख ८ हजार ७२५ पुगेको छ । संक्रमितमध्ये एक लाख ४७ हजार ९४० जनाको मृत्यु भइसकेको छ भने हालसम्म ९७ लाख ८१ हजार भन्दा बढी संक्रमणमुक्त भएका छन् । ब्राजिलमा कोरोना भाइरसबाट सङ्क्रमित हुनेको संख्या ७४ लाख ८४ हजार नाघेको छ भने १ लाख ९१ हजार १४६ जनाको मृत्यु भएको छ । संक्रमितमध्ये ६५ लाख १५ हजार भन्दा बढी निको भएका छन् ।
