थप ८९९ जनामा कोरोना संक्रमण,१५ को मृत्यु,१३५९ जना संक्रमणमुक्त
काठमाडौं । नेपालमा शनिबार थप ८९९ जनामा कोरोना पुष्टि भएको छ ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा गरिएको पीसीआर परीक्षणमा ८९९ जनामा संक्रमण पुष्टि भएको हो । यो संगै नेपालमा कोरोना संक्रमितको संख्या २ लाख ४७ हजार ५३९ पुगेको छ ।
शनिबार थप १३ सय ५९ जना संक्रमणमुक्त भएका छन् । यो संगै संक्रमणमुक्त हुनेको संख्या २ लाख ३४ हजार २३१ पुगेको छ । त्यस्तै कोरोनाका कारण थप १५ जनाको मृत्यु भएसंगै नेपालमा कुल मृतकको संख्या १ हजार ६८९ जना पुगेको मन्त्रालयले जनाएको छ ।
नेपालमा हाल ११ हजार ६७३ जना आइशोलेशनमा रहदा ५१९ जना क्वारेन्टाइनमा रहेका छन् । हालसम्म नेपालमा १८ लाख २५ हजार ८६० वटा पिसिआर गरिएको छ ।
