१,९५४ जना कोरोना संक्रमित थपिए,२,९८१ जना डिस्चार्ज,११ जनाको मृत्यु
काठमाडौं । नेपालमा पछिल्लो २४ घण्टामा १ हजार ९ सय ५४ जना संक्रमित भएका छन् ।
स्वास्थ्य तथा जनसंख्या मन्त्रालयमा आयोजित नियमित पत्रकार सम्मेलनमा प्रवक्ता डा. जागेश्वर गौतमले पछिल्लो २४ घण्टामा देशभरका प्रयोगशालामा ८ हजार २ सय ४८ जनाको पीसीआर परीक्षण गर्दा १ हजार ९ सय ५४ जनामा कोरोना भाइरस संक्रमण पुष्टि भएको बताए ।
उपत्यकामा मात्रै ८ सय ४३ जना संक्रमित भएका छन् । काठमाडौंमा ६ सय ९६, भक्तपुरमा २९ र ललितपुरमा १ सय १८ जना संक्रमित थपिएको मन्त्रालयले जनाएको छ । यो संगै संक्रमितको संख्या १ लाख ६२ हजार तीन सय ५४ पुगेको छ ।
यसैगरी, पछिल्लो २४ घण्टामा २ हजार ९ सय ८१ जना संक्रमणमुक्त भएका छन् । हालसम्म संक्रमितमध्ये ७५ प्रतिशत निको भएका छन् । अहिलेसम्म संक्रमणमुक्त हुनेको संख्या १ लाख २१ हजार ८ सय २४ रहेको छ । यस्तै, कोरोना संक्रमणबाट पछिल्लो २४ घण्टामा थप ११ जनाको मृत्यु भएको छ । मन्त्रालयका अनुसार नेपालमा कोरोना भाइरसबाट मृत्यु हुनेको संख्या ८ सय ८७ पुगेको छ । नेपालमा संक्रमित हुनेहरुमध्ये ० दशमलव ५ प्रतिशतको मृत्यु भएको हो ।
हाल ३९ हजार ६ सय ४३ जना सक्रिय सङ्क्रमित आइसोलेशनमा रहेका छन् भने दुई हजार आठ सय ८९ जना क्वरेण्टीनमा रहेको मन्त्रालयले जनाएको छ ।
