रुसले नेपाललाई कोभिडविरुद्धको दुई करोड ५० लाख डोज भ्याक्सिन उपलव्ध गराउने
रुसले नेपाललाई कोभिडविरुद्धको २५ मिलियन(दुई करोड ५० लाख) डोज खोप उपलव्ध गराउने भएको छ । रुसको द रसियन डिरेक्ट इन्भेष्टमेन्ट फण्डले नेपालको प्रमुख औषधि वितरक ट्रिनिटी फर्मास्युटिकलमार्पत दुई करोड ५० लाख डोज खोप उपलव्ध गराउने भएको हो । ‘स्पुतनिक भी’ उपलव्ध गराउनेसम्बन्धी सहमतिपत्रमा हस्ताक्षर भएको समाचार संस्था रोयटर्सले मंगलबार जनाएको छ ।
यो खोप नेपालका ९० प्रतिशत जनतालाई पुग्नेछ । त्यसैगरी रुसले भारतलाई एक सय मिलियन खोपको डोज दिने भएको छ । त्यसैगरी रुसले एसिया, मध्यपूर्व, ल्याटिन अमेरिका, युरोपलगायतका देशमा वितरणका लागि सम्झौता गरिसकेको छ । मेक्सिकोसँग ३२ मिलियन डोज, ब्राजिलसँग ५० मिलियिन डोज, उज्वेकिस्तानलाई ३५ मिलियन डोज उपलव्ध गराउने सहमति रुसले गरिसकेको छ ।
