थप १,३१३ जनामा कोरोना संक्रमण, १,४५५ जना डिस्चार्ज
काठमाडौं । नेपालमा पछिल्लो २४ घण्टामा थप १३१३ जनामा कोरोना संक्रमण पुष्टि भएको छ । स्वास्थ्य मन्त्रालयका अनुसार देशका विभिन्न प्रयोगशालमा गरिएको परीक्षणमा थप १३१३ जनामा संक्रमण पुष्टि भएको हो ।
काठमाडौंमा ५०३, भक्तपुरमा ५१ र ललितपुरमा ९१ जनामा संक्रमण पुष्टि भएको छ । त्यसैगरी पछिल्लो २४ घण्टामा तीन पुरुष र तीन महिला गरी थप ६ जनाको मृत्यु भएको छ । योसँगै कोरोना संक्रमणबाट मृत्यु हुनेको संख्या ४५९ पुगेको छ । त्यस्तै पीसीआर १२,२६२ जनाको नमुना परीक्षण गरिएको छ । क्वारेन्टाइनमा ६,४६४ जना रहेका छन् ।
आइसोलेसनमा १८,२८९ जना सक्रिय संक्रमित रहेका छन् । शुक्रबार थप १,४५५ जना डिस्चार्ज भएका छन् । योसँगै डिस्चार्ज हुनेको संख्या ५१,८६६ पुगेको मन्त्रालयले जनाएको छ । आइसियूमा २२७ र भेन्टिलेटरमा ३९ जनाको उपचार भइरहेको छ ।
