थप १५३९ जनामा कोरोना संक्रमण, ८ जनाको मृत्यु
काठमाडौं । नेपालमा बुधबार थप १५३९ जनामा कोरोना पुष्टि भएको छ । देशका बिभिन्न स्थानमा गरिएको परीक्षणका क्रममा १५३९ जनामा कोरोना पुष्टि भएको हो । काठमाडौंमा ६५२, भक्तपुरमा भक्तपुरमा २५ र ललितपुरमा थप ६० जनामा संक्रमण पुष्टि भएको छ ।
योसंगै नेपालमा कोरोना संक्रमितको संख्या ५८ हजार ३२७ पुगेको छ । त्यस्तै कोरोनाका कारण थप ८ जनाको मृत्यु भएको छ । योसंगै मृत्यु हुनेको संख्या ३७९ पुगेको छ । बुधबार थप १०६८ जना डिस्चार्ज भएका छन् । योसंगै डिष्चार्ज हुनेको संख्या ४१ हजार ७०६ पुगेको स्वास्थ्य मन्त्रालयका प्रवक्ता डा जागेश्वर गौतमले जानकारी दिए ।
हाल होम आइसोलेशनमा ७,७०१ जना रहँदा संस्थागत आइसोलेशनमा ८,५४१ जना रहेका छन् । हालसम्म ८ लाख ७२ हजार २७४ वटा पीसीआर भएको उनले जानकारी दिए ।
त्यस्तै हाल सक्रिय संक्रमितको संख्या १६,२४२ रहेको छ । त्यस्तै क्वारेन्टाइनमा ७८२० जना रहेका छन् ।
