थप १०८१ जनामा कोरोना संक्रमण, ९१८ जना डिस्चार्ज
काठमाडौं । नेपालमा पछिल्लो २४ घण्टामा थप १०८१ जनामा कोरोना संक्रमण पुुष्टि भएको छ । स्वास्थ्य मन्त्रालका अनुसार देशका विभिन्न प्रयोगशालमा गरिएको परीक्षणमा थप १०८१ जनामा संक्रमण पुष्टि भएको हो ।
काठमाडौंमा ३९४, भक्तपुरमा ३६ जना र ललितपुरमा ३४ जनामा संक्रमण पुष्टि भएको छ । पछिल्लो २४ घण्टामा पीसीआर विधिबाट ११,१६७ जनाको नमुना परीक्षण गरिएको छ । क्वारेन्टाइनमा ५,४८० जना रहेका छन् ।
आइसोलेसनमा १५,०२५ जना सक्रिय संक्रमित रहेका छन् । बुधबार थप ९१८ जना डिस्चार्ज भएका छन् । योसँगै डिस्चार्ज हुनेको संख्या ३३,८८२ पुगेको छ । आइसियूमा १६२ जनाको र भेन्टिलेटरमा २२ जनाको उपचार भइरहेको छ ।
त्यसैगरी पछिल्लो २४ घण्टामा काठमाडौंमा दुई जना, कास्की, अर्घाखाँची, बाँके र नवलपरासीमा एक एक जनासहित थप ६ जनाको मृत्यु भएको छ । योसँगै मृत्यु हुनेको संख्या ३१२ पुगेको छ ।
